ک.م.م.ک.:
کازم سۆریان (خۆرماوا)، موحسین قائیدرحمەت (ئەلیگوودەرز)، شاکر مەستی (کرماشان)، کەرەمبەیگی (بۆروجێرد) و ئەحمەد ساکی (نەهاوەند) ڕۆژی یەکشەممە ٤ی بەفرانبار لە زیندانەکانی ڕێژیمی ئێران لەسێدارە دراون.
چوار لەو زیندانیانە لە دادگای تاوانەکان بە تاوانی کوشتن و یەکێکیان لە دادگای شۆڕش بە تۆمەتی مادەی هۆشبەر سزا دراون.
ڕاپۆرتەکان ئاماژە بەوە دەکەن کە ئەم لەسێدارەدانانە بەبێ ئەوەی وردەکاری زیاتر لەلایەن دەسەڵاتدارانی فەرمی و بە بێدەنگی بڵاوبکرێتەوە ئەنجام دراون.
کازم سۆریان لە زیندانی ئێران لە خوڕەماوا، موحسین قائیدرەحمەت لە عەلیگودەرز، شاکر مەستی لە کرماشان و کەرەمبەیگی لە بۆروجێرد لە سێدارە دراون. هەروەها ئەحمەد ساکی بە تۆمەتی پەیوەندیدار بە ماددە هۆشبەرەکان لە نەهاوەند گیانی لەدەستدا.
ڕێکخراوه نێودەوڵەتییەکانی مافی مرۆڤ چەنددان جار بەرانبەر بە جێبەجێکردنی ئێعدام لە ئێران، بەتایبەت بە لە حاڵەتگەلئ پەیوەندیدار بە تۆمەتگەلی نادیار یان بەبێ گرێنتی دادگاییکردنی دادوەرانە هۆشداریان داوە.
ئێعدامی ئەحمەد ساکی لە لایەن دادگای ئینقلابەوە نموونەی پڕۆسەیەکی قەزایی لە ئێرانە کە لە لایەن کۆمەڵگەی نێودەوڵەتییەوە ڕەخنەی لێ گیراوە.
سەپاندنی سزای لەسێدارەدان لە ئێران تەنانەت لە بەرامبەر ئەو کەسانەی کە بە تۆمەتی تاوانکاری مەحکووم کراون، هەمیشە لەلایەن داکۆکیکارانی مافی مرۆڤەوە ڕەخنەی لێ گیراوە و زۆرێک لە گرووپە نێودەوڵەتییەکان داوای ڕاگرتنی خێرای لەسێدارەدان و دەستڕاگەیشتن بە دادگاییکردنی دادپەروەرانەیان بۆ زیندانییەکان کردووە.
ق.ش
The post بەردەوامی لەسێدارەدانی هاوڵاتیانی کورد بەردەوامە؛ پێنج زیندانی لە زیندانە جیاوازەکاندا لە سێدارە دراون appeared first on كۆمهڵهی مافی مرۆڤی کوردستان.
