ک.م.م.ک:
بەپێی زانیارییەکان، لە درێژەی ڕووداوەکانی ئەم دواییانە ئێران، بەرپرسانی قەزایی هەواڵی دەسبەسەری ١١٥کەسیان لە پارێزگای کرماشان ڕاگەیاندووە. بەپێی کوتەی حەمیدڕەزا کەریمی دادستێنی گشتی و ئینقلابی ڕێژیم لە کرماشان، ئەم کەسانە بە تۆمەتگەلی وەکوو پڕوپاگاندا دژی دەسەڵات و هەوڵدان دژی ئاسایشی نەتەوەیی بەدواداچوونیان بۆکراوە. هەروەها هاوڵاتییەکی ئەورووپیش بە شیمانە سیخوڕی دەسبەسەر و دۆسیەی قەزایی بۆ چێکراوە.
بەپێی کوتەی لێدوانی کەریمی، ٥٤ کەس لە دەسبەسەرکراوان بەدانانی بارمتە ئازاد کراون و دۆسیەی قەزایی بۆ دیکەی کەسەکان لەسەر داوای بەرپرسانی باڵای قەزایی لە حاڵەتی لێکۆڵینەوەدایە.
ئەم ڕووداوانە لە دۆخێکدا هاتوونەتە ئاراوە کە کەشی ئەمنیی ناوخۆیی دوابەدوای هێرشەکانی ئیسرایل بۆسەر ناوەندە چەکداری و ئیتلاعاتییەکانی ئێران، تووشی گرژی و ئاڵۆزی بەرفرەی بەخۆیەوە بینیووە و تەرکێزی هێزە ئەمنییەکان لەگەڵ ڕووبەڕووبوونەوە ناوخۆییەکان لە کاتێکدا هەڵکشاوە کە پرسیارگەلی سەبارەت بە پێکهاتەی بەرگری وڵاتی لە بەرانبەر هێرشە دەرەکییەکان بێ وڵام هێشتۆتەوە.
ق.ش
The post کرماشان؛ دەسبەسەری ١١٥ هاوڵاتی و هاوڵاتییەکی ئەورووپی appeared first on كۆمهڵهی مافی مرۆڤی کوردستان.
