ک.م.م.ک.:
عەزیزە مورادیان، هاووڵاتییەکی خەڵکی گوندی تەنگیسەر و دانیشتووی شاری مەریوان، کە لە ١٠ سەرماوەزی ساڵی ٢٧٢٥ەوە لەلایەن هێزە ئەمنییەکانەوە دەستبەسەر کراوە، بۆ ناڕەزایەتی دەربڕین بە ناڕوونی دۆخی یاسایی و زەوتکردنی مافە سەرەتاییەکان ماوەی پێنج ڕۆژە مانی لە خواردن گرتووە.
بە پێی ڕاپۆرتەکان، ئەم هاووڵاتییە لە ئێستادا لە ناوەندی چاکسازیی ڕێژیمی ئێران لە شاری سنە ڕاگیراوە و سەرەڕای کێشەی هەرس و ناڕەحەتی درێژخایەنی گەدە، لە دەستڕاگەیشتن بە چارەسەری کاریگەر و چاودێری پزیشکی بێبەش بووە.
شایانی باسە کە عەزیزە مورادیان لە کاتی دەستبەسەرکردنیدا مافی دەستگەیشتن بە پارێزەر و پەیوەندی لەگەڵ بنەماڵەکەی بێبەش کراوە و هیچ زانیارییەکی ورد لەبارەی هۆکاری دەستبەسەرکردنی و ئەو تۆمەتانەی کە ئاراستەی کراوە، لەبەردەستدا نییە.
E.Sh
The post سنه؛ مانگرتن لە خواردنی عەزیزە مورادیان لە ناڕەزایەتی بە ناڕوونی دۆخی یاسایی appeared first on كۆمهڵهی مافی مرۆڤی کوردستان.
