ک.م.م.ک:
سەرۆکی پەرلەمانی ئەوروپا، ڕۆبێرتا مێتسۆلا، لە چاوپێکەوتنێکدا لەگەڵ یۆرۆنیوز جەختی لەوە کردەوە کە یەکێتی ئەوروپا نابێت چاوەڕێی ئەوە بکات کە دۆناڵد ترەمپ هەنگاو بەرامبەر کۆماری ئیسلامی ئێران بگرێتەبەر و دەبێت دەستبەجێ فشارەکان زیاد بکات ، لە سزای ئابلووقە تا دانانی فەیلەقی سپای پاسدارانی شۆڕشی ئیسلامی لە لیستی ڕێکخراوە تیرۆریستییەکانی یەکێتی ئەوروپا. ناوبراو بە ئاماژەدان بە سەرکوتکردنی توندوتیژانەی ناڕەزایەتییەکان لە ئێران، وتی کە ڕێژیم “دوا هەناسەی خۆی دەدات” و یەکێتیی ئەورووپا دەبێ بە خێرایی و یەکلاکەرەوە پشتیوانی لە مافەکانی مرۆڤ و ئازادییە بنەڕەتییەکان بکات. هەروەها چوونە ژوورەوەی دیپلۆماتکارانی ئێرانی بۆ باڵەخانەی پەرلەمانی ئەوروپا قەدەغە کراوە، ئەمەش هەنگاوێکە لە کاردانەوەی ئەوەی کە مێتسۆلا بە “سەرکوتکردنی خۆپیشاندەران” ناوی بردووە.
ئەم هەواڵە، لە چوارچێوەی خۆپیشاندانی سەرتاسەری و کاردانەوە جیهانییەکانی مافی مرۆڤ بەرامبەر بە سەرکوتی خۆپیشاندەران لە ئێران، ڕەنگدانەوەی هەوڵەکانی یەکێک لە بەرپرسە باڵاکانی ئەوروپایە بۆ بەهێزکردنی پشتیوانی نێودەوڵەتی بۆ خەڵکی ناڕازی و سەپاندنی سزای توندتر لە دژی میکانیزمەکانی سەرکوتکردن.
The post مێتسۆلا: یەکێتی ئەوروپا دەبێت بەبێ دواکەوتن دژی سەرکوتکردنی مافەکانی مرۆڤ لە ئێراندا هەنگاو بنێت appeared first on كۆمهڵهی مافی مرۆڤی کوردستان.
