دەسبەسەری دوو منداڵی خەڵکی کامێران

ک.م.م.ک:

بەپێی زانیارییەکانی ناوەندی kmmk، ڕۆژی چوارشەممە ١٩ی خەرمانانی ٢٧٢٥ی کوردی، دوو منداڵ بەناوەکانی هەوراز زەمانی و بەهرووز ڕەشیدی لەلایەن هێزەکانی وەزارەتی ئیتلاعاتەوە لە ماڵی خۆیان دەسبەسەر و بۆ گرتووخانەی وەزارەتی ئیتلاعات لە سنە ڕاگوازران.

بەگوێرەی هەواڵەکە، هێزەکانی ئیدارەی ئیتلاعات لە کامێران هێرشیان کردەسەر ماڵی ئەم دوو منداڵە و پاش سازکردنی ترس و دڵەڕاوکێ بۆ ئەم دوو منداڵە و بنەماڵەکانیان بەبێ نواندنی حوکمی قەزایی دەسبەسەر و بۆ گرتووخانە ڕاگوازراون.

شیاوی باسە کە تا ئێستە هیچ زانیارییەک لە جۆری تۆمەتەکان بەردەست نییە و هۆکاری دەسبەسەری ئەم دوو منداڵە ناڕوونە.

ق.ش

The post دەسبەسەری دوو منداڵی خەڵکی کامێران appeared first on كۆمه‌ڵه‌ی مافی مرۆڤی کوردستان.