١ـ تا زەمانێک پژاکیەکان مێشکیان له چێشتی مجەوێری “ئاپۆییزم”(“سوسیالیزم”، ئانارشیزم، کەماڵیزم، ئیسلامیسم، نارسیسیزم و خۆ به پێغەمبەر زانین، قوربانی کردنی مافی نەتەوەیی کورد له بەرانبەر دەسەڵاتی خوێنریژ و داگیرکەر، زیندانی کردنی ئینسانەکان له کۆت و بەندی “رێکخراوە” و…)پاک نەبێتەوە؛ تا زەمانێک هاتووچووەکان و “تونێلە نیزامی”ەکانیان به ئیلهام له “چاه جمکران” له ژێر دەسەڵاتی رژیمی فاشیستی ئیسلامیا بێ؛ تا زەمانێک شاڵی سەر جلوبەرگی “گەریلا”ییان به مێزەرەی ئاخوندەکانی رژیمی ئیسلامیەوە گرێ درابێ و “بەرخۆدان”یان له پێناو ئامانجەکانی “مێحوەر موقاومەت”دا بێ؛… ئەم رێکخراوەیه نەتەنها له نێو بزووتنەوەی خەڵکی کوردستانی رۆژهەڵاتا جێگای نابێتەوەوو شیاوی هیچ هاوکاریەک نییە بەڵکوو دەبێ وەک ناردراوەیەک له لایەن رژیمی ئیسلامی ئێران و پ.ک.ک.ەوە بۆ بەرپەرچدانەوەی ویستی ئازادی و دێمۆکراسی و رزگاری نەتەوەیی چاوی لێ بکرێ و له قاو بدری.(نوامبری ٢٠٢٥ دوای ئاشکرا بوونی پڕۆپاگاندەی رژیمی ئیسلامی ئێران له زبانی سەرۆکی پژاکەوە)
٢ـ [له ویدئۆیەک به زاراوەی سنەیی له ئۆکتۆبری ٢٠٢٠(پەنج ساڵ لەمەوبەر)دوای ئەوە که باسی ئاکامی سیاسەتی هێرشبەرانەی حدکا بۆ سەر کۆمەڵه و هەروەها باسی کۆمەڵەکان و کۆمۆنیزم کارگەریەکانم کردوە، هاتوومەتە سەر باسێکی کورت لەسەر پژاکیش که دەقاودەق به بێ گۆڕانی تاقە وشەیەک، له خوارەوە بۆتانی دەنووسم:]
…. لەبیرمان نەچێ ئەو رابردوە نەتیجەکەی تەنیا ئەوە نەو که له بەرانبەر رژیم ئیسلامی ئێرانا تووش شکست بین، بەڵکوو ئەخلاقیات سیاسی ناو کۆمەڵگایش بەرەو نوقسان چوو و مەرز بەین تەعەهود و خەیانەت لێڵ بوو. بۆ نموونەیەک من پێم وایه زەمینەی پەیا بوون سازمانێک وەک پژاک بەرهەم ئەو نوقسانەو ئەو لێڵیەسە. رێکخراوەیەک که دەسکرد و تابێع قەرار و مەدار بەین پ کا کا و رژیم ئیسلامی ئێرانه؛ هەم ها لەتەک رژیم ئیسلامی ئێرانا هەم ها له ئۆپۆزیسیۆن ئەم رژیما! هەم رژیم تەئیید ئەکا و هەم رەخنەیشی لێ ئەگرێ بەڵام نەرمتر له ئێسڵاحتەڵەبان ناو خود رژیم! تەک شێعەا شێعەس و تەک سونیا سونی! لە جەژن رەمەزانا مەعلووم ئەکا مانگێ رۆژگی گردگه و لە رۆژ عاشوورا مەعلووم ئەکا ریشەیەکی له دەشت کەربەلاوە هەس و تەرێقەت حسەینی رێنوێنیه! لەناو گشت ئەم بە هەر بایێ شەنکردنا تەنیا له یەک چتا مونسەجێم و سابتقەدەمە: ئەویش به هەر شێوەیەک و هەر ساختەکاریەک بێ، ئێعتبار مێژوویی کۆمەڵه لە ناو کۆمەڵگای کوردستانا بەرەو لاوازی بوات. لە دەسپێک ئەم بەرنامەیانا بوو که ساڵها لەمەوبەر سەرۆکەکەیان ئێعلامی کرد “ساواک کۆمەڵەی دورس کردگه”! ئەگەر له کوردستانێک دارای حکوومەتێک دێمۆکراتیک و دارای قەوانین ئیمڕۆییا ژیاباین، شکاتمان لێ ئەکرد و موجازات درۆکردن و هەتک حوڕمەتی بۆ دەرئەهات که چتێک زیاتر له جەریمەیەک پووڵی نیه. بەڵام ئەگەر بینه سەر نەتیجەی سیاسی ئەو جۆره تەبلێغکردنه، فرەی پێ نەچوو حاڵییان بوو ئەم جۆرە تەبلێغاته به تەواوی لەبەر چاو خەڵکیان ئەخا. هەر بۆیه ئیسەگەله بەو ئاشکراییە و بەو زەقیە دژایەتی کۆمەڵه ناکەن بەڵکوو تەقسیم کارێک ژێربەژێر و دەقێقیان بۆی کردگه و له بەعزە کۆمێنتارگەلێک ناو فەیسبووکا ئەتوانێ تەشخیس بدرگێ. من هیوادارم ئینسانگەلێ تێکۆشەر و دڵسۆز که روو ئەکەنه ئەم جەرەیانه ئاگایان له شیوەگەل پێچاوپێچ پەیوەندی دەسگاگەل ئێتڵاعات رژیم ئیسلامی تەک ئەم سازمانا بێ نەکا رۆژیک رژیم ئیسلامی، یا به ئاسانی شکاریان کا یان بە وەعدەی دەسەڵات تاکه حێزبی یارمەتیان با بکەفنه بەرانبەرکێ خەبات جەماوەری و رەسەن کوردستان رۆژهەڵاتا. نارۆشنی و پێچدەرپێچی سیاسەت و رەفتار پژاک ئەتوانێ ئاکامێ خەتەرناکی بۆ داهاتووی کوردستان بێ.
شوعەیب زەکەریایی ئۆکتۆبری ٢٠٢٠ و نوامبری ٢٠٢٥
