وشەی کوردی “دەموچاو”. 

سەرنجێک! 

 

به کوردی “دەموچاو” دوو وشه نیه، یەک وشەیه: تێکەڵکراوێکی جوان و پڕمانایه له “دەم” و له “چاو”. بۆ؟ چۆنه بۆ یەک بەشی لەش که هەر کام ئەندامێکی جیاوازن،  دوو وشه تێکەڵ کراون؟ چۆنه به تێکەڵکراوی مانای تازه و جێی سەرنج ئەخولقێنن؟ چۆن ئەو مانا تازه و سەرنجڕاکێشه ئەدەن بەو بەشەی لەشی کەس که بەرانبەر ئەبنەوه و ئەتوانن به چەند و چەندین شێوه لێک تێئەگەن. 

سەرنج بدەن: 

“دەموچاو” به کوردی جێگرەوەی “دیمانه” و “روخسار”ه. به فارسی جێگرەوەی “صورت” و به ئینگلیزی جێگرەوەی “face”. 

باشه بۆ وایه؟ 

بڕوانن: “دەم” له “روخسار”ی ئینساندا زیاتر له گشت بەشێکی تر بزوێن و پڕجووڵەیه. “چاو”یش وەک دەم، یا رەنگه به پلەیێک دوای دەم، هەر بزوێن و پڕجووڵەیه. ئەتوانم بڵێم له زمانی کوردیدا تێکەڵ کردنی ئەو دوو وشەیه هونەرێکه. هونەرێکی پڕناوەرۆک بۆ ئاماژەدان بەو پارچه یەکجار هەستیارەی ئەندامی هەر ئینسانێک که رووبەڕووی بەرانبەرەکەی ئەبێتەوه. 

له کوردیدا زۆر جووت وشەی تێکەڵکراوی هاووێنه هەن، وەک: “دەمووپل” که مانای جیاوازی هەیه. جووت وشەی “دەموولووت” هەر تەواو نیگەتیڤه. 

سەرنجدانم له جووت وشەی “دەموچاو” بۆ ئەوەیه سەرنجتان راکێشم بۆ تایبەتیه جوانەکانی ئەو تێکەڵکراوه له زمانی کوردیدا.  

ئیتر “دەموچاو”تان هەر گەش بێ!

بێوەی بن!

چاوه 

(دەی دێسامبری ٢٠٢٥ / 2025- 12-10)